သင်ခန်းစာ ၄။ တပည့်တော်အဖြစ်ခေါ်ခြင်း (2Q, 2015)

အလွတ်ကျမ်းချက်

"ထိုမှတပါး၊ လူအပေါင်းတို့အား မိန့်တော်မူသည်ကား၊
ငါ၌ဆည်းကပ်လိုသောသူဖြစ်လျှင် ကိုယ်ကိုကိုယ် ငြင်းပယ်ရမည်။
ကိုယ်လက်ဝါးကပ်တိုင်ကို နေ့တိုင်းထမ်း၍ ငါ့နောက်သို့လိုက်ရမည်။" 
(လုကုကာ ၉း၂၃)။

“Disciple”ဆိုသည်မှာ နောက်လိုက်တပည့် (သို့မဟုတ်)
ကျောင်းသားဟု ဆိုနိုင်သည်။ “Disciple” ဆိုသည့်စကားရပ်သည်
အထူးသဖြင့် ခရစ်ဝင်ကျမ်းများနှင့် တမန်တော်ဝတ္ထုတွင် အကြိမ်ပေါင်း
နှစ်ရာငါးဆယ်ကျော်ပါဝင်ခဲ့သည်။

တပည့်တော်တစ်ဦးဖြစ်ရခြင်းသည် ဝိညာဉ်ကိုခွန်အားဖြစ်စေပြီး၊
စိတ်ကိုစိန်ခေါ်မှုဖြစ်စေသည်။ ထိုနောက် ဘုရားနှင့်သော်လည်းကောင်း၊
လူအချင်းချင်းနှင့်သော်လည်းကော

င်း ဆက်ဆံရာ၌ အကောင်းဆုံးကြိုးပမ်း
အားစိုက်ရ၏။ ခရစ်တော်၌သော်လည်းကောင်း၊ ခရစ်တော်၏အသက်တာ
နှင့် သတင်းစကားတို့၏တောင်းဆိုချက်အပေါ်၌သော်လည်းကောင်း လုံးလုံး
လျားလျားသစ္စာမရှိခဲ့သော်၊ တပည့်တော်ဖြစ်လာစရာအကြောင်းမရှိပါ။ ဤ
အရာထက်ပို၍အရေးကြီးသည့်အရာ ရှိနိုင်မည်လား။

"ဘုရားရှင်သည် လူကိုရှိသည့်အတိုင်းခေါ်ယူပြီး၊ ၎င်း၏အမှုတော်
ဆောင်ရန်အတွက် ပညာပေး၏။ ၎င်းတို့သည် မိမိကိုယ်ကို ဘုရားရှင်ထံ
သို့ ဆက်ကပ်မှသာလျှင် ဤသို့ဖြစ်၏။ ဘုရားသခင်၏ဝိညာဉ်တော်သည်
နှလုံးသားထဲသို့ လက်ခံရရှိသော်၊ စွမ်းရည်ရှိသမျှတို့သည် သက်ရှင်နိုးထ
လာမည်ဖြစ်သည်။ သန့်ရှင်းသောဝိညာဉ်တော်၏ဦးဆောင်မှုအောက်၌၊
စိတ်နှလုံးသည် ဘုရားရှင်အား ဆက်ကပ်အပ်နှံမည်ဖြစ်ကာ၊ သက်ရှင်ကြီးထွား
ပြီး ဘုရားသခင်၏အလိုတော်ကို ကောင်းစွာလုပ်ဆောင်နိုင်မည်ဖြစ်သည်။
နှလုံးသားသည်လည်း ဘုရားသခင်၏လိုအပ်ချက်တို့ကိုနားလည်ပြီး
ဖြည့်ဆည်းရန် ခွန်အားဖြစ်စေမည်ဖြစ်၏။ ခွန်အားနည်းသည့်စရိုက်
(အတွေးအခေါ်၊ ခံစားချက်၊ အလုပ်) တို့သည် ခွန်အားအဖြစ်သို့ပြောင်းလဲ
၏။ ဆက်လက်သစ္စာရှိခြင်းသည် သခင်ယေရှုနှင့်အလွန်နီးကပ်စွာ ဆက်ဆံ
ရေးသို့ပို့ဆောင်သည်ဖြစ်၍၊ ထိုခရစ်ယာန်သည် စိတ်နှလုံးနှင့်စရိုက်သည်
သူနှင့်တူလုနီးပါးဖြစ်လာ၏။"EGWhite DA. p. ၂၅၁.

သခင်ယေရှုနောက်လိုက်တပည့်များကို ဘယ်ကဲ့သို့ခေါ်ယူပြီး၊
သူသည် ဤလောက၌ စတင်ဆောင်ရွက်ခဲ့သောအလုပ်များကို ဆက်လက်
ပြီးလုပ်ဆောင်ရန် ကူညီမည့်သင်ခန်းစာများကို ဘယ်ကဲ့သို့သင်ကြားရမည်
ကို ယခုအပတ်လေ့လာမည်ဖြစ်၏။


တနင်္ဂနွေ ဧပြီ ၁၉
တံငါသည်များ (လုကာ ၅း၁-၁၁)။

ရှိမုန်နှင့်အနြေ္ဒသည် တစ်ညလုံးအလုပ်ကြိုးစားလုပ်ဆောင်ခဲ့ကြသည်။
ဝါရင့်တံငါသည်များဖြစ်သည်နှင့်အညီ၊ ငါးမျှားခြင်းအရာ၌ ကျွမ်းကျင်သူ
များဖြစ်၏။ ဘယ်အချိန်၌ရပ်ရမည်ကိုလည်းသိ၏။ တစ်ညလုံးအလုပ်လုပ်
ခဲ့သော်လည်း ငါးတစ်ကောင်မျှမရ။ စိတ်ပျက်နေသည်ကြားမှ ကြိုဆိုသည့်
အမိန့်ရောက်ရှိလာသည်။ "]ရေနက်ရာအရပ်သို့ ရွှေ့ဦးလော့။ ပိုက်ကွန်ကို
ချ၍ ငါးကိုအုပ်စမ်းလော့" (လုကာ ၅း၎)။ ရှိမုန်၏ပြန်လည်ဖြေကြား
ချက်သည် စိတ်ပျက်၍မျှော်လင့်ခြင်းကင်းမဲ့လျက်ရှိ၏။ "သခင်၊ အကျွန်ုပ်
တို့သည် တညဥ့်လုံးကြိုးစားသော်လည်း တစ်ကောင်ကိုမျှမရပါ" (ငယ်၅)။

ဝါရင့်တံငါသည်များကို အကြံပေးနေသောလက်သမားသည်
အဘယ်သူနည်း။ ရှိမုန်သည် လှည့်ထွက်သွားနိုင်သည်။ သို့သော် သခင်ယေရှု
၏ရှေ့၌ စစ်မှန်သည့်ဟောပြောချက်များနှင့် နှစ်သိမ့်စကားတို့သည် သူ့အပေါ်
ဩဇာသက်ရောက်ရှိနိုင်မည်လော။ ထိုကြောင့် "အမိန့်တော်ရှိလျှင် ပိုက်ကွန်
ကိုချပါမည်" ဟု ပြန်လျှောက်လေ၏။

ထိုကြောင့် နောက်လိုက်တပည့်ဖြစ်ရန် ပထမဦးဆုံးသင်ခန်းစာသည်
ခရစ်တော်၏စကားကိုနားထောင်ပါ။ အနြေ္ဒ၊ ယာကုပ်နှင့်ယောဟန်တို့သည်
လည်း၊ တစ်ညတာအတွက် အလုပ်မဖြစ်ခြင်းသည် နံနက်အလင်းရောင်နှင့်
အတူ များစွာသောငါးတို့ကို ဖမ်းမိခြင်းရရှိလေ၏။ ချက်ချင်းပင်ရှိမုန်သည်
"သခင်၊ အကျွန်ုပ်သည် အပြစ်များသောသူဖြစ်ပါ၏။ အကျွန်ုပ်ဆီမှကြွသွား
တော်မူပါဟု လျှောက်လေ၏" (ငယ် ၈)။ ဘုရားသခင်၏သန့်ရှင်းခြင်းနှင့်
မိမိ၌အပြစ်ရှိခြင်းကိုသိခြင်းသည် တပည့်တော်ဖြစ်ခြင်းအရာ၏အရေးကြီးသည့်
နောက်ခြေလှမ်းတစ်ခုဖြစ်သည်။ ဟေရှာယသည် ၎င်းခြေလှမ်းကိုလှမ်းခဲ့
သည်။ ပေတရုသည်လည်း ထိုခြေလှမ်းကိုယူခဲ့သည်။

(လုကာ ၅း၁-၁၁။ မဿဲ ၄း၁၈-၂၂။ မာကု ၁း၁၆-၂၀) ကို
ဖတ်ပါ။ အံ့ဩဖွယ်ကောင်းသည့်နိမိတ်လက္ခဏာ၊ တံငါသည်တို့၏ကြီးစွာ
သောအံ့အားသင့်ခြင်း၊ ပေတရု၏ဝန်ခံချက်နှင့် ယေရှု၏အမိန့်ဩဇာအာဏာ
ကို ဆင်ခြင်ပါ။ ခရစ်တော်တပည့်များ၏ လျှောက်လှမ်းခဲ့ရသောလမ်းကို
ဤပုံပြင်တစ်ခုစီက ဘယ်ကဲ့သို့ပြောသနည်း။

"]ကြောက်ရွံ့ခြင်းမရှိနှင့်၊ သင်သည် ယခုမှစ၍ လူတို့ကိုဖမ်းမိသော
သူဖြစ်လိမ့်မည်ဟု မိန့်တော်မူ၏" (လုကာ ၅း၁၀)။ တံငါသည်ဘ၀မှ
လူကိုဖမ်းသောတံငါဖြစ်လာခြင်းသည် ကြီးစွာသောထူးဆန်းအံ့ဩဖွယ်ဖြစ်
၏။ သခင်ယေရှုခရစ်အား အပြည့်အဝအပ်နှံရန် (၁) မိမိ၏အားနည်းချက်
နှင့်အပြစ်ကိုသိရှိခြင်း၊ (၂) တပည့်တော်ဖြစ်ခြင်းအရာ၌ လျှောက်သွားရမည့်
အထီးကျန်ပြီး မသိသောလမ်းခရီးအတွက်၊ ခရစ်တော်ကိုကိုင်စွဲအားယူပြီး
လျှောက်လှမ်းခြင်း၊ (၃) ခရစ်တော်နှင့် ခရစ်တော်တစ်ဦးတည်းအပေါ်
ဆက်လက်မှီခိုအားထားခြင်း စသည်တို့လိုအပ်မည်ဖြစ်၏။ တံငါသည်၏
ဘ၀သည် မရေရာဘဲ၊ အန္တရာယ်များ၏။ ကြမ်းတမ်းသည့်လှိုင်းလုံးကြီးများနှင့်
လုံးပန်းရပြီး၊ မှန်မှန်ရရှိသည့်ဝင်ငွေသည် မသေချာ။ လူကိုဖမ်းသောတံငါ
သည်ဘ၀သည်လည်း ထိုသို့ဖြင့်မခြားနား။ သို့သော် သခင်ယေရှု၏ကတိ
တော်သည် "]ကြောက်ရွံ့ခြင်းမရှိနှင့်" တပည့်တော်ဖြစ်ခြင်းအရာသည် လွယ်ကူ
သည့်လမ်းမဟုတ်။ အတက်အဆင်းနှင့်ပျော်ရွှင်စိန်ခေါ်မှုများရှိ၏။ တပည့်
တော်သည် တစ်ဦးတည်းလျှောက်လှမ်းရမည်မဟုတ်။ "]ကြောက်ရွံ့ခြင်းမရှိ
စေနှင့်" ဟု ပြောသောသူသည် သစ္စာရှိသောတပည့်တော်အနား၌ရှိသည်။

အပြစ်သားတစ်ယောက်ဖြစ်ကြောင်း ပေတရု၏ဝန်ခံချက်ကို ပြန်ဖတ်
ပါ။ သူ၏အပြစ်သည် သူ့အားသခင်ယေရှုနှင့်ခွဲခြားရန် တွန်းပို့ခြင်းကို
သတိပြုပါ။ ကျွန်ုပ်တို့ကို ဘုရားရှင်ထံမှတွန်းထုတ်လိုက်သောအပြစ်ကား
အဘယ်ကဲ့သို့နည်း။


တနင်္လာ ဧပြီ ၂၀
တပည့်တော်တစ်ကျိပ်နှစ်ပါးကိုရွေးချယ်ခြင်း (လုကာ ၆း၁၂-၁၆)။

ကျွန်ုပ်တို့သည် မိမိကိုယ်ကို တပည့်တော်ဖြစ်ရန်မပြုလုပ်နိုင်။
တပည့်တော်ဖြစ်ခြင်းသည် သခင်ယေရှု၏ဖိတ်ခေါ်မှုကို လက်ခံသည့်ရလဒ်
ဖြစ်သည်။ ရှိမုန်၊ အနြေ္ဒ၊ ယောဟန်နှင့်ယာကုပ် (လုကာ ၅း၁၁။ မဿ
၎း၁၈-၂၂)၊ အခွန်ခံမဿဲ (လုကာ ၅း၂၇-၃၂) တို့ကို ခေါ်ယူခဲ့ပြီဟု
လုကာရေးသားခဲ့သည်။ သခင်ယေရှုသည် တပည့်တော်တစ်ဆယ့်နှစ်ပါးကို
လူမှန်အချိန်မှန်ရွေးချယ်ခဲ့ပြီဟု လုကာမှတ်တမ်းတင်ခဲ့သည်။ လက်ယာလက်
သေသောလူတစ်ဦးကို ဥပုသ်နေ့၌ သခင်ယေရှုသည် ထိုသူ၏ရောဂါကို
ငြိမ်းစေပြီးနောက်၊ ကျမ်းပြုဆရာနှင့်ဖာရိရှဲတို့သည် သူ့အားသတ်ရန် ကြံစည်
ကြသည်။ (လုကာ ၆း၆-၁၁)။ ထိုကြောင့် သူ၏အလုပ်ကိုကာကွယ်ရန်
အချိန်ရောက်ပြီဖြစ်ကြောင်းသိသဖြင့်၊ သူကပ်တိုင်ပေါ်အသေခံပြီးနောက်
သူ၏အလုပ်ကို ဆက်လက်လုပ်ဆောင်ရန်၊ အမှုဆောင်ရန် တပည့်တော်
တို့ကို ရွေးချယ်ရ၏။

(လုကာ ၆း၁၂-၁၆ နှင့် လုကာ ၉း၁-၆) ကိုဖတ်ပါ။ နောက်လိုက်
တမန်တော်တစ်ဆယ်ပါးကို ရွေးချယ်ခြင်းအကြောင်း ဤကျမ်းပိုဒ်များက
ဘယ်ကဲ့သို့ဖော်ပြထားသနည်း။

သခင်ယေရှုနောက်လိုက်သည့် လူအုပ်ကြီးအနက် သူ၏နောက်လိုက်
တပည့်များစွာပါဝင်သည်။ ဆရာတစ်ဦးနောက်သို့လိုက်သောတပည့်ကဲ့သို့
သူတို့သည် သခင်ယေရှုနောက်တော်သို့လိုက်ကြသည်။ သို့သော် ခရစ်တော်၏
အလုပ်သည် သင်ကြားခြင်းထက်သာလွန်သည်။ သူ၏အလုပ်သည်
ကယ်တင်ခြင်းရရှိပြီးသော လူ့ဘောင်အဖွဲ့အစည်း၊ သူ၏ကယ်တင်ခြင်း
သတင်းစကားကို လောကတစ်ခုလုံးကိုယူဆောင်မည့် အသင်းတော်ကို ဖွဲ့စည်း
တည်ဆောက်ရန်ဖြစ်သည်။ ထိုသို့သောရည်ရွယ်ချက်ကြောင့် သူသည် များစွာ
သောတပည့်တို့ကိုလို၏။ ထိုလူတို့အနက် "တစ်ကျိပ်နှစ်ပါးတို့ကိုရွေး၍၊
တမန်တော်အမည်ဖြင့် သမုတ်တော်မူ၏" (လုကာ ၆း၁၃)။ "တမန်တော်"
ဆိုသည်မှာ အထူးရည်ရွယ်ချက်ဖြင့် အထူးသတင်းကိုသယ်ဆောင်သောသူ
ဖြစ်သည်ဟု အနက်ဖွင့်ဆိုနိုင်သည်။ ခရစ်ဝင်ကျမ်း၌ ရှင်လုကာသည်
"တမန်တော်" ဆိုသည့်စကားကို ခြောက်ကြိမ်အသုံးပြုပြီး တမန်တော်ဝတ္ထု
တွင် (၂၅) ကြိမ်အသုံးပြုသည်ကို တွေ့ရ၏။ (မဿဲနှင့်မာကုသည်၊ တစ်ကြိမ်
သာလျှင်အသုံးပြုသည်။)

၎င်းတို့တစ်ဆယ့်နှစ်ဦးသည် ပညာတတ်၊ ပိုက်ဆံရှိ၊ ရေပန်းစား
ဖြောင့်မတ် (သို့မဟုတ်) ထိုက်တန်သည်အတွက် ရွေးချယ်ခြင်းခံရသည်
မဟုတ်။ သူတို့သည် သာမန်လူတန်းစားများသာဖြစ်သည်။ တံငါသည်၊
အခွန်ခံ၊ သံသယစိတ်ရှိသူ၊ သစ္စာဖောက်တစ်ဦးလည်းပါဝင်၏။ သူတို့သည်
ရည်ရွယ်ချက်တစ်ခုတည်းဖြင့်ခေါ်ခြင်းဖြစ်သည်။ သူတို့သည် ဘုရားသခင်
နိုင်ငံတော်ဘုရင်၏သံတမန်များဖြစ်သည်။


"ထာဝရဘုရားသည် လူကိုအရှိအတိုင်းယူ၏။ ထိုနောက် သူ၏
သွန်သင်မှုတို့ကိုခံယူပါက၊ သူ၏အမှုတော်ဆောင်ရန် လေ့ကျင့်ပေးမည်ဖြစ်
၏။ သူတို့သည် စုံလင်သည့်အတွက် ရွေးချယ်ခြင်းခံရသည်မဟုတ်။ သို့သော်၊
ခရစ်တော်၏ကရုဏာတော်ကြောင့် သမ္မာတရားကိုသိပြီး လေ့ကျင့်ခြင်းဖြင့်၊
သူတို့သည် ခရစ်တော်နှင့်ပို၍တူလာကြသည်။" EGWhite DA p. ၂၉၄
မှကောက်နုတ်သည်။

ကျွန်ုပ်တို့ရင်ဆိုင်ပါ၊ ကျွန်ုပ်တို့သည်စုံလင်သည်မဟုတ်။ အသင်းတော်
တွင်း၌ လူတို့သည်လည်း စုံလင်ကြသည်မဟုတ်။ ကျွန်ုပ်တို့အားလုံးသည်
ဝိညာဉ်ရေးအားဖြင့် ကြီးထွားဆဲဖြစ်သည်။ သို့သော်၊ ယခုလောလောဆယ်
သူတစ်ပါးနှင့် သူတို့ရှိသည်အတိုင်းလက်ခံပြီး ဘယ်ကဲ့သို့အလုပ်အတူတကွ
လုပ်မည်နည်း။


အင်္ဂါ ဧပြီ ၂၁
တမန်တော်တို့ကို လုပ်ငန်းအတွက်ပြင်ဆင်ခြင်းနှင့်အမိန့်အာဏာအပ်နှင်းခြင်း (လုကာ ၉း၁-၆)။

(လုကာ ၉း၁-၆ နှင့် မဿဲ ၁ဝး၅-၁၅) ကိုဖတ်ပါ။ သခင်ယေရှု
ဤလူတို့ကို ဘယ်ကဲ့သို့ခေါ်တော်မူသည့်အကြောင်းကို ဤကျမ်းပိုဒ်များမှ၊
မည်သည့်ဝိညာဉ်ရေးဖြောင့်မတ်ခြင်းများကို သင်ကြားရယူနိုင်မည်နည်း။
အာဏာအပ်နှင်းခြင်းနှင့် ပြင်ဆင်ခြင်းအတွက်၊ လုကာဖြစ်စဉ်အဆင့်
(၃) ဆင့်ဖြင့် ဖော်ပြထားသည်။

၁။ သခင်ယေရှု ၎င်းတို့ကိုအတူတကွခေါ်သည်။ (လုကာ ၉း၁)။
"]ခေါ်သည်" ဆိုသည့်စကားရပ်သည် ခရစ်ယာန်တို့၏လုပ်ငန်း
နှင့် ခရစ်ယာန်တို့၏ဝေါဟာရအသုံးအနှုန်းတွင် အရေးပါ
သည်။ ၎င်းသည် ကိုယ်ပိုင်ခံစားချက်ဖြစ်ရမည်။ တမန်တော်
တို့သည် သခင်ယေရှုသူ့ထံသို့လာရန်ခေါ်ခြင်းကို လက်ခံပြီး
အတူတကွဖြစ်ရန်ဖြစ်သည်။ သခင်ယေရှုကိုနားထောင်ခြင်းနှင့်
သူ့အား လုံးလုံးလျားလျားအပ်နှံခြင်းသည် ဘုရားသခင်နှင့်
အခြားသူများနှင့်အတူ၊ တညီတညွတ်တည်းအလုပ်လုပ်
ဆောင်ရန် အလွန်အရေးကြီး၏။ ညီညွတ်ခြင်း၌ပင်၊ လုပ်ငန်း
အောင်မြင်ရန်အတွက် အလွန်အရေးပါသောအရာဖြစ်၏။

၂။ သခင်ယေရှုသည် "အခွင့် တန်ခိုး ကိုပေး၏" (လုကာ
၉း၁)။ သခင်ယေရှုသည် သူ၏တပည့်များကို ဘယ်သော
အခါမျှ လက်ခြေသက်သက်သွားခိုင်းသည်မဟုတ်။ ကျွန်ုပ်
တို့၏ခွန်အားဖြင့် သူ၏ကိုယ်စားလှယ်ပြုလုပ်ရန် သူအလို
မရှိပါ။ ကျွန်ုပ်တို့၏ပညာအရည်အချင်း၊ ရာထူး၊ ချမ်းသာ
ကြွယ်ဝမှုနှင့်အာဏာသည် သူ၏လုပ်ငန်းအောင်မြင်ရန်အတွက်
လုပ်ဆောင်နိုင်စွမ်းမရှိပါ။ သူ၏အလုပ်ကိုလုပ်ဆောင်ရန်
စွမ်းရည်နှင့်တန်ခိုးပေးသောသူသည် ခရစ်တော်သာဖြစ်သည်။
ဂရိဘာသာစကားအရ "ပါဝါ" သည် "ဒိုက်နမို" ဖြစ်သည်။
အလင်းကိုပေးသည့်စွမ်းအင် သို့တည်းမဟုတ် ဒိုက်နမိုက်
တောင်ကိုပင် ဖြိုခွင်းနိုင်သည့်စွမ်းအင်ဖြစ်သည်။ သခင်ယေရှု
ပေးသည့် "ပါဝါ" တန်ခိုးနှင့်စွမ်းရည်တို့သည် မာရ်နတ်နှင့်
၎င်း၏ရည်ရွယ်ချက်များကို ချေမှုန်းနိုင်သော ပြင်းထန်သည့်
အင်အားလုံလောက်သည်။ သခင်ယေရှုသည် ကျွန်ုပ်တို့၏
"ပါဝါ" တန်ခိုးဖြစ်သည်။
"လူ၏အလိုကို၊ ဘုရားသခင်၏အလိုတော်နှင့် ပူးပေါင်း
ဆောင်ရွက်လိုက်သော်၊ အလွန်ပင်တန်ခိုးကြီးလာ၏။ သူ၏
အမိန့်တော်အားဖြင့် မည်သည့်ဖြစ်မြောက်ရမည့်အရာမဆို
သူ၏ခွန်အားဖြင့် ဖြစ်နိုင်၏။ ဘုရားသခင်၏အမိန့်ရှိသမျှ
တို့ကို၊ သူ၏အကူအညီဖြင့် လူတို့သည်လုပ်ဆောင်နိုင်၏။"
E. G. White, Christ’s Object Lessons, p. 333.


၃။ သခင်ယေရှုသည် တပည့်တော်တို့ကို "ဘုရားသခင်၏နိုင်ငံ
တော်အကြောင်းကို ဟောပြောစေခြင်းငှာလည်းကောင်း၊ လူနာ
တို့ကိုချမ်းသာစေခြင်းငှာလည်းကောင်း စေလွှတ်တော်မူ၏။"
(လုကာ ၉း၂)။ ဟောပြောခြင်းနှင့်ကုသခြင်းသည် ဒွန်တွဲ
လျက်ရှိ၏။ တပည့်တော်များ၏တာဝန်သည် ခန္ဓာကိုယ်
တစ်ခုလုံး ကိုယ်၊ စိတ်၊ ဝိညာဉ်အားလုံးကို ပြုစုရန်ဖြစ်သည်။
စာတန်နှင့်အပြစ်သည် လူတစ်ကိုယ်လုံးကို ဖမ်းဆီးချည်နှောင်
ခဲ့သည်။ ထိုကြောင့် လူတစ်ကိုယ်လုံးကို သခင်ယေရှု၏
သန့်ရှင်းသောတန်ခိုးတော်အောက်သို့ ယူဆောင်လာရမည်
ဖြစ်၏။

လူသည် မည်သည့်အရာမျှ ချန်လှပ်ထားခြင်းမရှိဘဲ၊ ခရစ်တော်ကို
လုံးလုံးလျားလျားအပ်နှံမှသာလျှင် ကောင်းသောတပည့်ဖြစ်မည်။ ရွှေ၊ ငွေ၊
မိဘ၊ သားသမီး၊ သေခြင်း၊ ရှင်ခြင်း ယနေ့ (သို့မဟုတ်) မနက်ဖြန်မည်သည့်
အရေးပေါ်ကိစ္စမဆို ခရစ်တော်နှင့်တပည့်စပ်ကြား မလာရောက်နိုင်။ ခရစ်တော်၊
၎င်း၏နိုင်ငံတော်နှင့် ပျောက်ဆုံးလေပြီးသောလောကကို သက်သေခံခြင်း
သည်သာလျှင် ပို၍အရေးကြီးသည်။ ဤအရာထက် မည်သည့်အရာမျှ
အရေးမပါ။

"သင်တို့သည် လမ်းခရီးဖို့ အဘယ်အရာကိုမျှမယူကြနှင့်" (လုကာ ၉း၃)။
ဤနေရာ၌ ကျွန်ုပ်တို့တွေ့ကြုံခံစားရန်နှင့် နားလည်နိုင်ရန် မည်သည့်
အရေးကြီးသည့်စည်းမျဉ်းကို ပြထားသနည်း။

ဗုဒ္ဓဟူး ဧပြီ ၂၂
တပည့်တော်ခုနစ်ကျိပ်တို့ကိုစေလွှတ်ခြင်း (လုကာ ၁ဝး၁-၂၄)။

(လုကာ ၁ဝး၁-၂၄) ကိုဖတ်ပါ။ တပည့်တော်ခုနစ်ကျိပ်တို့ကို
စေလွှတ်သောပုံပြင်သည် အငြင်းပွားတိုက်ပွဲကြီး၌ ဝိညာဉ်ရိတ်သိမ်းခြင်း
အကြောင်း ကျွန်ုပ်တို့ကို ဘယ်ကဲ့သို့သင်ကြားသနည်း။

သခင်ယေရှုအမှုတော်ထမ်းဆောင်စဉ်၊ သူ၏နောက်တော်သို့လိုက်
သည့် တပည့်တစ်ကျိပ်နှစ်ပါးထက်ပိုသည်။ ယုဒအတွက် လူစားခန့်ရန်၊
ပေတရုသည် ယုံကြည်သူတို့ကိုစကားပြောရာ၌၊ လူအနည်းဆုံး (၁၂၀) ရှိ
သည်။ (တမန် ၁း၁၅)။ သခင်ယေရှုသည် ကောင်းကင်သို့ပြန်လည်မကြွ
မြန်းမီ နောက်လိုက်အနည်းဆုံး (၅၀၀) ရှိသည်ဟု ရှင်ပေါလုပြောခဲ့သည်။
(၁ကော ၁၅း၆)။ ထိုကြောင့် (၇၀) သောတပည့်များအား စေလွှတ်ခြင်းဖြင့်
သူ၌ရှိသောတပည့်များကို အကန့်အသတ်မပြုခဲ့ပါ။ အနာဂတ်အချိန်၌ သူ၏
ခရီးစဉ်ကိုပြင်ဆင်ရန် အကန့်အသတ်ရှိသည့်လုပ်ငန်းကို အထူးရွေးချယ်ထား
သောလူတစ်စုကို ဂါလိလဲမြို့များသို့သွားရန် စေလွှတ်ခြင်းဖြစ်သည်။

ရှင်လုကာတစ်ဦးတည်းသာလျှင် တပည့်တော် (၇၀) အကြောင်း
ပြောခြင်းဖြစ်သည်။ ဤအရာသည် သာသနာလုပ်ငန်းကို စိတ်ရှိသော
ရှင်လုကာအတွက် ထုံးစံအတိုင်းဖြစ်၏။ ရှင်လုကာသည် ကမ္ဘာ့အမြင်ရှိသော
စာရေးဆရာတစ်ဦးဖြစ်သည်။ သမ္မာကျမ်းတွင် (၇၀) သည် ဂျူးလူမျိုးတို့၏
သမိုင်း၌ အထူးသင်္ကေတတစ်ခုဖြစ်သည်။ ကမ္ဘာဦးကျမ်း (၁၀) တွင်
နောဧ၏မျိုးဆက်မှ ကမ္ဘာ့လူမျိုး (၇၀) ဆင်းသက်လာကြောင်း စာရင်းပြု
ထားသည်။ မောရှေသည် သူ၏အလုပ်ကိုကူညီရန် ဣသရေလအမျိုးသား
ခေါင်းဆောင် (၇၀) ကို ရွေးချယ်ခဲ့သည်။ (တောလည် ၁၁း၁၆၊၁၇၊၂၄၊၂၅)။
ခရစ်တော်သက်ရှိထင်ရှားသည့်အချိန်၌၊ ဂျူးလူမျိုးတို့ကောင်စီ (Sanhedrin
Council) သည် အဖွဲ့ဝင် (၇၀) ရှိသည်။ ခရစ်တော်လူ (၇၀) ခေါ်ခြင်း
သည် ဤအကြောင်းများနှင့် ဆက်နွှယ်မှုရှိမရှိကိုမသိပါ။ သို့သော် အရေးကြီး
သည့်အချက်မှာ သခင်ယေရှုသည် အသင်းတော်အတွက် ခေါင်းဆောင်
များကို သင်တန်းပေးသောသူဖြစ်သည်။ ထိုနောက် သူသည် လူအနည်းငယ်
ကို တာဝန်နှင့်တန်ခိုးအကန့်အသတ်ဖြင့် အစီအစဉ်ကို ပေးထားသောသူ
မဟုတ်။ ထိုသို့ဖြစ်မည့်အစား သူ၏တပည့်တို့တွင် ဖြန့်ထားခဲ့သည်။

တပည့် (၇၀) ပြန်ရောက်လာသည့်အခါ၊ သူတို့သည် ဝမ်းမြောက်
ခြင်း၊ စိတ်လှုပ်ရှားခြင်းဖြင့် ပြည့်လျက်ရှိ၏။ သူတို့သည် သခင်ယေရှုကို
ဤကဲ့သို့ ပြန်လည်သတင်းပေး၏။ "သခင်၊ ကိုယ်တော်၏နာမအားဖြင့်
အကျွန်ုပ်တို့သည် နတ်ဆိုးကိုပင်နိုင်ပါသည်ဟု လျှောက်ကြ၏" (လုကာ
၁ဝး၁၇)။ ဝိညာဉ်ရိတ်သိမ်းခြင်း၏အောင်မြင်ခြင်းသည် ဓမ္မတရားဟောဆရာ
၏အလုပ်မဟုတ်။ ဓမ္မတရားဟောဆရာသည် ခရစ်ဝင်ကျမ်း၏ပြောရေး
ဆိုခွင့်ရှိသူတစ်ဦးသာဖြစ်သည်။ အောင်မြင်ခြင်းသည်၊ သခင် ယေရှု၏နာမ
တော် အားဖြင့်ရသည်။ ခရစ်ဝင်သာသနာလုပ်ငန်း၏ အောင်မြင်ခြင်းတိုင်း၏
အလယ်ဗဟို၌ သခင်ယေရှု၏နာမည်နှင့်တန်ခိုးရှိသည်။

ခုနစ်ကျိပ်သောတပည့်များ၏အောင်မြင်ခြင်းအကြောင်း အံ့ဩဖွယ်
ကောင်းသည်အရာသုံးချက်ကို သတိပြုပါ။ (၁) ဓမ္မသာသနာဟောပြောခြင်း
၏အောင်မြင်မှု၌ စာတန်၏ရှုံးနိမ့်ခြင်းကို သခင်ယေရှုတွေ့သည်။
(ငယ် ၁၈)။ (၂) ခရစ်ဝင်သာသနာလုပ်ငန်း၌ အမှုဆောင်တစ်ဦးသည်
ပို၍ပါဝင်လုပ်ဆောင်လေ၊ သခင်ယေရှုထံမှ ပို၍တန်ခိုးကိုရရှိလေဖြစ်၏။
(ငယ် ၁၉)။ (၃) ဓမ္မသာသနာဟောပြောဖြန့်ချိသောသူ၏ဝမ်းမြောက်ခြင်း
သည် လောက၌ပြုလုပ်ခဲ့သည်တို့၌ ရှိသင့်သည်မဟုတ်။ ထိုသို့ဖြစ်မည့်
အစား သူ၏နာမည်သည် ကောင်းကင်၌ရှိခြင်းကြောင့် ပို၍ဝမ်းမြောက်သင့်
သည်။ စာတန်၏လက်မှရရှိသောသူတိုင်း ကောင်းကင်ကအသိအမှတ်ပြုပြီး
အောင်ပွဲခံ၏။ ဘုရားသခင်၏နိုင်ငံတော်အတွက် ရရှိသောဝိညာဉ်တိုင်းသည်
စာတန်၏ဆိုးယုတ်သောအစီအစဉ်ကို ထိခိုက်နစ်နာစေသည်။

(လုကာ ၁ဝး၂၄) ကို တစ်ဖန်ပြန်ဖတ်ပါ။ ကျွန်ုပ်တို့မြင်ရသော
အရာတို့ကို ပုရောဖက်များနှင့် ရှင်ဘုရင်များမြင်ရန် အလိုရှိသော်လည်း၊
မမြင်ရသောအရာများကား အဘယ်နည်း။ ဤအရာသည် ကျွန်ုပ်တို့အတွက်
ဘယ်ကဲ့သို့အနက်ရှိသနည်း။

ကြာသပတေး ဧပြီ ၂၃
တပည့်တော်ဖြစ်ခြင်း၏အဖိုးအခ (လုကာ ၉း၂၃-၂၅)။

ကျော်ကြားသည့်ဂရိတွေးခေါ်ပညာရှင်ဆိုကရေးတီး (Socrates) သည်
တပည့်ပလေတို (Plato) ကိုရရှိ၏။ ကျော်ကြားသည့်ဂျူးလူမျိုးဥပဒေပညာရှင်
ဂါမလျေလသည် တပည့်ပေါလုကိုရ၏။ ခြားနားသောဘာသာရေးခေါင်းဆောင်
တို့သည် သစ္စာရှိသော နောက်လိုက်တပည့်များရှိကြ၏။ ခရစ်တော်၏
နောက်လိုက်တပည့်များနှင့် လောက၏နောက်လိုက်တပည့်များ၏ခြားနား
ခြင်းကား အဘယ်နည်း။ အဖြေကား၊ လောကီခေါင်းဆောင်တို့သည် လူသား
တို့၏ဒသနတွေးခေါ်မှုအပေါ် အခြေပြုသည်။ သို့သော် ခရစ်တော်နောက်လိုက်
တပည့်တို့သည် ခရစ်တော်အပေါ်နှင့် လောက၌ သူ၏လုပ်ဆောင်မှုများ
အပေါ် အမှီတံကဲပြုသည်။ တစ်ချိန်တည်းပင်၊ ခရစ်ယာန်တပည့်တို့သည်
ခရစ်တော်၏သွန်သင်ချက်များနှင့် လူသားများကယ်တင်ခြင်းရရှိရန်
လုပ်ဆောင်မှုများအပေါ် အမှီပြုသည်။ ထိုကြောင့် သခင်ယေရှုသည် သူ၏
နောက်လိုက်တပည့်များကို ၎င်းတို့ကိုယ်ကို လုံးလုံးလျားလျားဆက်ကပ်ကြ
ရန်နှင့် မိမိတို့၏ကပ်တိုင်ကိုထမ်းကာ၊ သူ၏ဦးဆောင်မှုနောက်သို့လိုက်ရန်
မိန့်မှာတော်မူ၏။ ကရာနီခြေရာနောက်သို့ လျှောက်လှမ်းခြင်းမရှိသောသူတို့
မရှိလျှင်၊ ခရစ်ယာန်နောက်လိုက်တပည့်ရှိမည်မဟုတ်။

(လုကာ ၉း၂၃-၂၅။ မဿဲ ၁၆း၂၄-၂၈။ မာကု ၈း၃၄-၃၆) ကို
ဖတ်ပါ။ ခရစ်ယာန်ဟုခံယူသူတစ်ယောက်တိုင်းစီအတွက်၊ အလွန်အရေးကြီး
သောသတင်းစကားသည် အဘယ်နည်း။

ခရစ်ယာန်နောက်လိုက်တပည့်ဖြစ်ခြင်းသည် ကယ်တင်ခြင်းခံရသူ
များနှင့် ကယ်တင်ရှင်စပ်ကြား သက်ရှင်သည့်ဆက်ဆံရေးဖြစ်သည်။
ကယ်တင်ခြင်းခံရသောသူများအနေဖြင့် ကျွန်ုပ်တို့သည် ကယ်တင်ရှင်နောက်
သို့လိုက်ရမည်ဖြစ်၏။ ထိုကြောင့် ရှင်ပေါလုသည် ဤကဲ့သို့ပြောနိုင်၏၊
"ငါသည် ခရစ်တော်နှင့်အတူ လက်ဝါးကပ်တိုင်မှာအသေခံပြီ။ သို့သော်
လည်း အသက်ရှင်သေး၏။ ထိုသို့ဆိုသော်၊ ငါသည် ကိုယ်တိုင်မရှင်၊
ခရစ်တော်သည် ငါ၌ရှင်တော်မူ၏" (ဂလာတိ ၂း၂၀)။
ရှင်လုကာသည် နောက်လိုက်တပည့်ဖြစ်ခြင်း၏အဖိုးအခကို (လုကာ
၉း၂၃) တွင် ဖော်ပြသည်။ "ငါ၌ ဆည်းကပ်လိုသောသူဖြစ်လျှင်
ကိုယ်ကိုကိုယ်ငြင်းပယ်ရမည်၊ ကိုယ်လက်ဝါးကပ်တိုင်ကို နေ့တိုင်းထမ်း၍
ငါ့နောက်သို့လိုက်ရမည်။" "ငြင်းပယ်" "ထမ်း၍" နှင့် "]နောက်သ်သို့လိုက်"
ဆိုသည့်စကားရပ်များကို သတိပြုပါ။ ရှင်ပေတရုသည် ခရစ်တော်ကိုငြင်းပယ်
သည့်အကြောင်းကို ကျွန်ုပ်တို့ဖတ်ရာ၌၊"ငြင်းပယ်" ဆိုသည့်စကားရပ်ကို
ပို၍ကောင်းသောဖော်ပြချက်ကို ရှာ၍မတွေ့။ "ငါသည်သခင်ယေရှုကိုမသိ"
ထိုကြောင့်၊ နောက်လိုက်တပည့်ဖြစ်ရန်ခေါ်ရာ၌၊ မိမိကိုယ်ကို  ငြင်းပယ်
ရန်လိုအပ်သည်ဟု ဆိုသည့်အတွက်၊ ငါ့ကိုယ်ကိုငါမသိဟု ဆိုနိုင်ရမည်။
ငါဆိုသည့်ဇာတိကိုယ်သည်သေ၏။ ၎င်း၏နေရာ၌ ခရစ်တော်ဝင်ရောက်
သက်ရှင်ရမည်။ (ဂလာတိ ၂း၂၀)။ ဒုတိယအနေဖြင့်၊ ကပ်တိုင်ကိုနေ့စဉ်
ထမ်းရမည်ဆိုသည်ကား၊ ဇာတိပကတိဖြစ်သည့် မိမိကိုယ်ကို ကပ်တိုင်၏
တွေ့ကြုံခံစားမှုကို အချိန်တိုင်းရရှိရန်ဖြစ်သည်။ တတိယ၊ နောက်လိုက်ရန်
ဆိုသည်ကား အသက်တာ၏ရည်ရွယ်ချက်သည် ခရစ်တော်နှင့် ခရစ်တော်
သာလျှင်ဖြစ်၏။

(လုကာ ၉း၅၇-၆၂) တွင် ဖော်ပြသည့်အတိုင်း နောက်လိုက်တပည့်
ဖြစ်ခြင်း၏အဖိုးအခသည် ပို၍လေးနက်ကြောင်း သခင်ယေရှုဖော်ပြသည်။
သခင်ယေရှုရှေ့တွင် မည်သည့်အရာမျှမရှိ။ သူနှင့်သူသာလျှင် ဦးစွာမိတ်ဆွေ
နှင့်မိတ်သဟာယဖွဲ့ခြင်း၊ အလုပ်နှင့်ဝတ်ပြုကိုးကွယ်ခြင်းတို့ဖြစ်၏။ ခရစ်ယာန်
နောက်လိုက်ဖြစ်ခြင်းသည် ဇာတိပကတိသေခြင်းသည် ရွေးချယ်ရာမဟုတ်၊
မဖြစ်မနေလုပ်ရမည်ဖြစ်သည်။

"ခရစ်တော်သည် လူကိုခေါ်ရာ၌၊ အမိန့်ပေးခြင်းဖြစ်၏။ "လာ-သေခံ"
.......အချိန်တိုင်း တူညီသည့်သေခြင်းဖြစ်သည်။ ခရစ်တော်၌သေခြင်းဖြစ်
သည်။ မိမိအလိုအတိုင်းအသေခံသောသူမှသာလျှင် နောက်လိုက်တပည့်
ဖြစ်နိုင်မည်။" Dietrich Bonhoeffer, The Cost of Discipleship, p. 99 မှ
ကောက်နုတ်သည်။

ခရစ်တော်နောက်လိုက်ခြင်းအတွက် သင်မည်မျှအဖိုးအခပေးရ
သနည်း။ သင်၏အဖြေကို သေချာစဉ်းစားပြီး သင့်အတွက်ဘယ်ကဲ့သို့
အနက်ရှိသနည်း။

သောကြာ ဧပြီ ၂၄
ထပ်ဆင့်လေ့လာရန်။

"ကားတိုင်ကိုမတင်ခြင်းသည်၊ ဇာတိပကတိကို ဝိညာဉ်မှဖြတ်တောက်
စေသည်။ ခရစ်တော်နှင့် ၎င်း၏ဝန်ထုပ်ကို ဘယ်ကဲ့သို့သယ်ပိုးရမည်ကို
လက်ခံရန် သင်ကြားသည့်နေရာသို့ လူကိုပို့ထားသည်။ ခရစ်တော်၏ထမ်းပိုး
ကိုမထမ်းဘဲ၊ ကပ်တိုင်ကိုမသယ်ပိုးဘဲ၊ သူ့နောက်သို့လိုက်နိုင်မည်မဟုတ်ပါ။
ကျွန်ုပ်တို့၏လိုအင်ဆန္ဒသည် သခင်ယေရှု၏လိုအပ်ချက်နှင့်ကိုက်ညီမှုမရှိဟု
ဆိုအံ့၊ ထိုသို့ဖြစ်သော်၊ ကျွန်ုပ်တို့နှစ်သက်သည့်ဆန္ဒများကို စွန့်လွှတ်၍၊
မိမိအလိုတို့ကိုလည်းငြင်းပယ်ကာ၊ ခရစ်တော်၏ခြေရာ၌ လျှောက်လှမ်းရ
မည်သာဖြစ်၏။" E. G. White, Sons and Daughters of God, p. 69 မှ
ကောက်နုတ်သည်။
-၀-