သင်ခန်းစာ ၁၁။ ထာဝရဘုရား၏ နိုင်ငံတော် (Text)

ဖတ်ကြားခြင်း
https://www.youtube.com/watch?v=bqKWDkN2fYY

ဆွေးနွေးခြင်း
https://www.youtube.com/watch?v=pnTIv1_HGZY

အလွတ်ကျမ်းချက်
"ထိုအခါ၊ အရှေ့အနောက်တောင်မြောက် အရပ်လေးမျက်နှာ
ကလာ၍ ဘုရားသခင်၏နိုင်ငံထဲတွင် လျောင်းရကြလတ္တံ့" (လုကာ
၁၃း၂၉)။

သခင်ယေရှု၏သွန်သင်ချက်၌ ဘုရားသခင်၏နိုင်ငံတော်သည်
အရေးကြီးသည့်ခေါင်းစဉ်ဖြစ်၏။ ဤစကားရပ်သည် ရှင်မဿဲခရစ်ဝင်ကျမ်း
တွင် အကြိမ် (၅၀)၊ မာကုတွင် (၁၆)၊ လုကာတွင် အကြိမ် (၄၀) နီးပါး၊
ယောဟန်တွင် (၃) ကြိမ် အသီးသီးဖော်ပြထားသည်ကိုတွေ့ရ၏။ ကိုယ်တော်
၏ဆုတောင်းချက်၌လည်းကောင်း၊ တောင်ပေါ်ဒေသနာ၌လည်းကောင်း
သင်ခန်းစာပုံပြင်များနှင့် အခြားသောသူ၏သွန်သင်ချက်များ၌လည်းပါသည်။
သို့သော် ဘုရားသခင်၏နိုင်ငံတော်သည် စာတန်နှင့်အမှားအမှန် အငြင်းပွားမှု
ကြီးတိုက်ပွဲကို အဆုံးသတ်ရန် ယူဆောင်လာစဉ်နှင့်၊ အပြစ်၏ပြဿနာကို
ကိုင်တွယ်စဉ်၊ သမိုင်း၌ဘုရားသခင်သည် လူသားတို့အတွက် မည်သည့်
အရာတို့ကိုဆောင်ရွက်ခဲ့ကြောင်း ရှင်းပြခြင်းအရာဖြစ်သည်။ ဘုရားသခင်၏
နိုင်ငံတော်သည် လောက၌သိရှိသမျှသောနိုင်ငံတစ်ခုနှင့်မျှမတူပါ။ အဘယ်
ကြောင့်ဆိုသော်၊ ဘုရားသခင်၏နိုင်ငံတော်သည် လောကီ၏နိုင်ငံမဟုတ်
သည့်အတွက်ကြောင့်ဖြစ်သည်။

"ဘုရားသခင်၏နိုင်ငံတော်သည် ဘုရားသခင်၏နှုတ်တော် (သမ္မာ
ကျမ်း) နှင့် သူ၏ဝိညာဉ်တော်အတွင်းမှ လုပ်ဆောင်ချက်များဖြင့်လာသည်။
အသက်ဖြစ်သည့်ဘုရားရှင်နှင့် မိသဟာယဖွဲ့ခြင်းဖြစ်သည်။ ဘုရားရှင်၏
အကြီးဆုံးသောတန်ခိုး၏ဥပမာကိုစုံလင်သော ခရစ်တော်၏စရိုက်ဖြင့်
ပြောင်းလဲသောလူသား၏သဘာဝတွင် တွေ့ရှိနိုင်သည်။" E. G. White, The
Ministry of Healing, p. 36 မှ ကောက်နုတ်သည်။

ရှင်လုကာခရစ်ဝင်ကျမ်း၌ ဖော်ပြသကဲ့သို့ ဤခေါင်းစဉ်ကို ယခု
အပတ်လေ့လာမည်ဖြစ်သည်။

တနင်္ဂနွေ ဇွန် ၇
ဘုရားသခင်၏နိုင်ငံတည်ဆောက်ခြင်း။ အပိုင်း (၁) (လုကာ ၁၁း၂)။

ခရစ်ဝင်ကျမ်းများ၌ ဘုရားသခင်၏နိုင်ငံတော်ပုံပမာများ ပြည့်လျက်
ရှိသည်။ ဤအရာအားလုံးတို့သည် ခရစ်တော်၌ နိုင်ငံတော်အသစ်ကို
တည်ဆောက်ကြောင်းပြသည်။

(လုကာ ၁၁း၂) တွင် ဘုရားသခင်၏နိုင်ငံတော်အကြောင်း
ဘယ်ကဲ့သို့ပြောသနည်း။ မည်သူ၏နိုင်ငံဖြစ်သနည်း။ အဘယ်ကြောင့်
အလွန်အရေးကြီးသနည်း။

ဘုရားသခင်၏နိုင်ငံတော်ဖြစ်သည်ဟုဆိုခြင်းသည် ဘုရားသခင်၏
နိုင်ငံတော်သည် သဘောတရားရိုးရိုးသာမဟုတ်ကြောင်းကို ထောက်ခံခြင်း
ဖြစ်သည်။ မတရားမှုတို့ကိုခံစားရသောသူတို့ (သို့မဟုတ်) အစာငတ်မွတ်
သောသူတို့အဖို့ မုန့်နှင့်ရေကို ဟောပြောသည့်လူမှုတရားဟောခြင်းမဟုတ်။
လူတို့၏ကောင်းမှုအစုစုတို့ထက် သာလွန်သည့်အရာဖြစ်သည်။ လူသား
အဖြစ်၊ နိုင်ငံတော်၏သတင်းကောင်းကို လာရောက်ဟောကြားသောခရစ်တော်
၌ ဘုရားရှင်အုပ်စိုးခြင်း၏အလယ်ဗဟို၌လည်း တွေ့ရှိရသည်။ (လုကာ
၎း၄၂-၄၄။ မဿဲ ၄း၂၃-၂၅)။

ဘုရားသခင်၏နိုင်ငံတော်ကို မည်သူစတင်တည်ထောင်ခဲ့ပြီး
အပြီးသတ်ရလဒ်သည် ဘာဖြစ်မည်ကို (လုကာ ၁း၃၂၊၃၃) ကပြောသနည်း။

ဤကျမ်းပိုဒ်များ၏အရေးကြီးပုံ (၂) ရပ်ရှိသည်။ (၁) ဓမ္မဟောင်း
ကျမ်း၌၊ မျှော်လင့်ထားသောမေရှိယသည် သခင်ယေရှုသာဖြစ်သည်။ "သူသည်
အမြင့်ဆုံးသောဘုရား၏သားတော်ဟု ခေါ်ဝေါ်သမုတ်ခြင်းကို ခံရလိမ့်
မည်။" (ငယ် ၃၂)။ (၂) "သူ၏နိုင်ငံသည်လည်းအဆုံးမရှိ" (ငယ် ၃၃)
ဆိုလိုသည့်အချက်မှာ၊ လူသားအဖြစ် လောကသို့ကြွလာပြီး ၎င်း၏အသေသတ်
ခံခြင်းနှင့် ပြန်လည်ရှင်ပြန်ထမြောက်ခြင်းသည် ဘုရားသခင်၏အုပ်စိုးမှုကို
စိန်ခေါ်သည့်စာတန်ကို သခင်ယေရှုအောင်ပွဲခံလိုက်ခြင်းဖြစ်သည်။ ထိုနောက်
သူသည် ဘုရားသခင်၏ထာဝရနိုင်ငံတော်ကို တည်ထောင်ဖွဲ့စည်းလိုက်သည်။
"လောကီနိုင်ငံသည် ငါတို့အရှင်၏နိုင်ငံဖြစ်လေပြီ၊ ထိုအရှင်၏ခရစ်တော်
နိုင်ငံဖြစ်လေပြီ။ သူသည်လည်း ကမ္ဘာအဆက်ဆက် စိုးစံတော်မူမည်။
(ဗျာ ၁၁း၁၅)။

ခရစ်တော်နှင့်စာတန်စပ်ကြားတိုက်ပွဲ၌၊ အာဒံနှင့်ဧ၀ကျရှုံးသည့်နောက်၊
စာတန်သည် အောင်ပွဲရသည်ဟုဆိုသည်။ သို့သော် ခရစ်တော်၏အမှုတော်
သည် စာတန်၏ခံယူချက်သည်မှားကြောင်း သက်သေပြလိုက်သည်။
ခရစ်တော်သည် စာတန်ကိုအမြဲအနိုင်ရရှိသည်ဖြစ်ရာ၊ သူ၏အသေခံခြင်းနှင့်
ထမြောက်ခြင်းသည် ဘုရားသခင်၏နိုင်ငံတော်ရောက်လာပြီဆိုသည့်အကြောင်း
ကို စကြ၀ဠာတစ်ခုလုံးကို ကြေညာလိုက်ခြင်းဖြစ်သည်။

ဘုရားသခင်၏နိုင်ငံတော်သည် အမှန်တကယ်ဖြစ်ကြောင်း ကျွန်ုပ်
တို့အသက်ရှင်နေထိုင်မှုဖြင့် ဘယ်ကဲ့သို့ပြနိုင်သနည်း။ ပို၍အရေးကြီးသည်
မှာ ကျွန်ုပ်အသက်တာ၌ အမှန်တကယ်ဖြစ်ကြောင်း ဘယ်ကဲ့သို့ပြနိုင်သနည်း။
ဘုရားသခင်၏နိုင်ငံသားများအဖြစ် ကျွန်ုပ်တို့ယခုသက်ရှင်နေထိုင်ခြင်းသည်
ဘယ်ကဲ့သို့ခြားနားခြင်းရှိသင့်သနည်း။

တနင်္လာ ဇွန် ၈
ဘုရုရားသခင်၏်၏နိုငုင်င်ငံတံတည်afဆောက်jfခြင်း။ အပိုငုင်း (၂) (လုကုကာ ၁၈း၁၆-
၃၀)။

ဘုရားသခင်၏နိုင်ငံတော်မှ နိုင်ငံသားအကြောင်း လုကာ ၁၈း၁၆-
၃၀။ လုကာ ၁၂း၃၁-၃၃။ လုကာ ၉း၅၉-၆၂ တွင် ဘယ်ကဲ့သို့ကျွန်ုပ်တို့
အား သွန်သင်သနည်း။

ဘုရားသခင်၏နိုင်ငံတော်အတွင်းသို့ ဝင်ရောက်ခြင်းသည် ရာထူး
ရာခံနှင့် ငွေကြေးကြွယ်ဝမှုအပေါ် အခြေပြုသည်မဟုတ်။ အခြားခရစ်ဝင်
ကျမ်းရေးပုဂ္ဂိုလ်များနှင့်အတူ၊ ရှင်လုကာပြောသည်မှာ ခရစ်တော်ထံသို့လာ
သောသူတို့သည် ကလေးသူငယ်၏ကိုးစားခြင်းကဲ့သို့လည်းကောင်း၊ မိမိ
ကိုယ်ကိုအပြည့်အဝအပ်နှံသည့်သဘောဖြင့်လည်းကောင်း လာရမည်ဖြစ်သည်။
၎င်းတို့၌ရှိသမျှကို လုံးလုံးလျားလျားအပ်နှံရန် ဆန္ဒရှိရမည်။ မပေးအပ်လို
သော မည်သည့်အရာမဆို၊ သခင်ယေရှုနှင့်ယှဉ်ပြိုင်ရမည်ဖြစ်၏။ သခင်ယေရှု
နှင့် ကျွန်ုပ်တို့အသက်အပေါ် သူ၏တောင်းဆိုမှုသည် ဤအသက်တာ၌
ကျွန်ုပ်တို့အတွက် အရေးကြီးဆုံးအရာဖြစ်သည်။ ဤအချက်သည် အဓိပ္ပါယ်
ရှိသည်။ အဘယ်ကြောင့်ဆိုသော်၊ နောက်ဆုံး၌ ကျွန်ုပ်တို့သည် သခင်ယေရှု
အားဖြင့်သာ အသက်ကိုရရှိခြင်းကြောင့်ဖြစ်၏။ ထိုကြောင့် ကျွန်ုပ်တို့သည်
သစ္စာအပြည့်ရှိရမည်ဖြစ်၏။

(လုကာ ၁၈း၂၉၊၃၀) ကိုတစ်ဖန်ပြန်ဖတ်ပါ။ သခင်ယေရှုကျွန်ုပ်တို့ကို
ဘာပြောနေသနည်း။ သူသည် ဘာကိုကတိပေးနေသနည်း။ ဘုရားသခင်၏
နိုင်ငံတော်အတွက် အိမ်ရာ၊ မိဘ၊ ညီအစ်ကို၊ သားမယားကို စွန့်ရမည်
လော။ ဤသို့ပြုလုပ်ရန် အလွန်ခက်မည်မဟုတ်လော။ ဤအခြင်းအရာတို့ကို
ယုံကြည်သူအားလုံး လုပ်ဆောင်ရန်လိုအပ်သည်ဟု သခင်ယေရှုဆိုလိုသည်
မဟုတ်။ သို့သော်၊ သူတစ်ဦးတစ်ယောက်သည် နိုင်ငံတော်အတွက် ဤ
အရာများကို စွန့်လွှတ်ရသော်၊ နိုင်ငံတော်သည် ထိုက်တန်ကြောင်းဆိုလို
ခြင်းဖြစ်သည်။

"လူသေတို့သည် မိမိလူသေတို့ကိုသင်္ဂြိုဟ်ပါလေစေ" ဟု ဆိုသည့်
သခင်ယေရှု၏စကားကို လေးနက်စွာစဉ်းစားပါ။ သူ့နောက်တော်သို့လိုက်
ရန်ခေါ်သည့်အခါ ဆင်ခြေမပေးရန်၊ မည်သည့်အရေးကြီးသောအမှန်တရား
ကို ကျွန်ုပ်တို့အားပြောနေသနည်း။ ထိုဆင်ခြေများသည် မည်မျှပင်ကောင်း
သည်မဆို အရေးမပါပါ။

အင်္ဂါ ဇွန် ၉
ဘုရားသခင်၏နိုင်ငံတော်တည်ပြီ၊ သို့သော်တည်ရန် (လုကာ
၁၇း၂၃၊၂၄)။

ဘုရားသခင်၏နိုင်ငံတော်အကြောင်းဟောကြားရန် သခင်ယေရှု
ကြွလာခဲ့သည်။ နာဇရက်မြို့၌ ဦးစွာပရိသတ်ကိုတရားဟောခဲ့သည်။ (လုကာ
၎း၁၆-၂၁)။ ပုရောဖက်ဟေရှာယအနာဂတ္တိကျမ်း၌ပါသော ဘုရားသခင်၏
နိုင်ငံတော်နှင့် ၎င်း၏ကယ်တင်ခြင်းအလုပ်သည်၊ သူ၌ထိုနေ့တွင်စတင်ပြီဟု
ကြေညာခဲ့သည်။

ယခုအချိန်၌၊ နိုင်ငံတော်သည် အမှန်တကယ်ဖြစ်သည်ဟု ဆိုသော
သဘောကို ထောက်ခံသည့်အဖြစ်အပျက်တစ်ခုကို လုကာမှတ်တမ်းတင်
လိုက်သည်။ ဖာရိရှဲတို့သည် ဘုရားသခင်၏နိုင်ငံတော် ဘယ်ကာလ၌တည်
မည်နည်းဟု သခင်ယေရှုကိုမေးခဲ့သည်။ ထိုနောက် သခင်ယေရှုသည်
"ဘုရားသခင်၏နိုင်ငံတော်သည် သင်တို့၏အထဲ၌ရှိသည်ဟု မိန့်တော်မူ၏"
(လုကာ ၁၇း၂၁)။ အချို့ဘာသာပြန်ဆိုရာ၌၊ နိုင်ငံတော်သည် "သင်တို့၌
ရှိသည်" ဟုဆိုသည်။ သခင်ယေရှုကြွလာခြင်းနှင့်အတူ နိုင်ငံတော်သည်
(၁) အနာရောဂါများကိုငြိမ်းစေခြင်း (လုကာ ၉း၁၁)၊ (၂) ဧဝံဂေလိတရား
ကိုဟောကြားခြင်း (လုကာ ၄း၁၆-၁၉)၊ (၃) အပြစ်ဖြေလွှတ်ခြင်း (လုကာ
၇း၄၈-၅၀။ လုကာ ၁၉း၉၊၁၀) နှင့် (၄) နတ်ဆိုးတို့ကိုနှိမ်နင်းခြင်း (လုကာ
၁၁း၂၀) စသည်တို့အပါအဝင် ရောက်နေပြီဖြစ်သည်။ ထိုကြောင့် သခင်ယေရှု
သည် ဘုရားသခင်၏နိုင်ငံတော်ကို လူတို့၏အသက်တာ၌ အမှန်ဖြစ်သည်ကို
ပြုလုပ်၏။ သူနှင့်တူအောင် လူကိုပြောင်းလဲလိုက်သည်။ ယုံကြည်သူများ
၌လည်း ဘုရားသခင်၏နိုင်ငံတော်သည် တွေ့မြင်နိုင်၏။ ဤအရာသည်
ကယ်တင်ခြင်းနှင့်ဖြောင့်မတ်ခြင်း၏ပုံပမာများဖြစ်သည်။ ယခုအချိန်၌
"ဘုရားသခင်၏ကျေးဇူးကရုဏာနိုင်ငံအဖြစ် သိရသည်။ ဤနိုင်ငံသည် ယခု
တည်ထောင်နေပြီဖြစ်၏။ အဘယ်ကြောင့်ဆိုသော်၊ နေ့စဉ်နှင့်အမျှ အပြစ်
နှင့်ပြည့်လျက် ပုန်ကန်ရန်နှလုံးသားတို့သည် သူ၏ ချစ်ခြင်း မေတ္တာ၏
စိုးမိုးခြင်း၌ အပ်နှံရန်ဖြစ်သည်။" Thoughts From
the Mount of Blessing, p. 108.

"တည်ပြီ" ဆိုသောအပိုင်းသည် အငြင်းပွားမှုတိုက်ပွဲကြီး၌ အပြစ်
နှင့်စာတန်ကို သခင်ယေရှုအနိုင်ယူခြင်း၌ အဆုံးအဖြတ်ပေးခဲ့ပြီးဖြစ်သည်။
"သို့သော် တည်ရန်ဆိုသည့်အပိုင်းသည် ဆိုးသွမ်းမှုအပြည့်အဝကုန်ဆုံးချိန်
နှင့် ကောင်းကင်သစ်မြေကြီးသစ်စတင်ချိန်ကို စောင့်မျှော်ကြည့်ခြင်းအပိုင်း
ဖြစ်သည်။ "ဘုရားသခင်၏ဘုန်းနိုင်ငံတော် အပြည့်အဝစတင်ခြင်းသည်၊
ခရစ်တော်ဒုတိယကြိမ်မကြွလာမီတိုင် ဖြစ်ဦးမည်မဟုတ်" Thoughts From
the Mount of Blessing, p. 108.

ကမ္ဘာ့သမိုင်းနောက်ဆုံး၌ ဘုရားသခင်၏နိုင်ငံတော်အကြောင်း
ဘယ်ကဲ့သို့ (လုကာ ၁၇း၂၃၊၂၄ နှင့် လုကာ ၂၁း၅-၃၆) ကပြောသနည်း။
ကျွန်ုပ်တို့၏ကမ္ဘာသည် တိုက်ခိုက်ခြင်း၊ ဝမ်းနည်းခြင်းနှင့် ပြဿနာ
ပေါင်းစုံနှင့်ပြည့်လျက်ရှိသည်။ သခင်ယေရှု၏စကားများတို့သည် မကြာခဏ
ဆိုသလို မှန်ကန်ကြောင်း ဤလောကသည် အမှန်သက်သေပြသည်။ ဤ
လောက၌ နာကျင်ခြင်း၊ ဝေဒနာခံစားခြင်းတို့၏အနက်သည် ဘုရားသခင်
အနီးနားတွင်မရှိဟု ငြင်းခုံပြောဆိုကြသည်။ သို့သော် နှစ်ပေါင်းနှစ်ထောင်
နီးပါးက သခင်ယေရှုကျွန်ုပ်တို့ကို သတိပေးသည့်အချက်ဖြင့် ပြန်လည်
ဖြေကြားနိုင်သည်။ ကျွန်ုပ်တို့ကမ္ဘာ၏အခြေအနေသည် ဘုရားသခင်အနီး၌
ရှိကြောင်း သက်သေပြသည်။ ထိုနောက် သမ္မာကျမ်းသည်ပင်မှန်ကန်၏။
(အကယ်၍ ဤလောကသည် သုခဘုံ (သို့မဟုတ်) နိဗ္ဗာန်ဖြစ်သော်
သခင်ယေရှု၏စကားသည် မှားမည်ဖြစ်၏) ကာလအဆုံးသို့ရောက်မှသာလျှင်၊
ဘုရားသခင်၏နိုင်ငံတော်သည် တည်ထောင်မည်ဖြစ်သည်။ ထိုသို့မတိုင်မီ၊
ကျွန်ုပ်တို့သည် သည်းခံရမည်ဖြစ်၏။

ဗုဒ္ဓဟူး ဇွန် ၁၀
ဘုရုရားသခင်၏်၏နိုငုင်င်ငံaHတော်န်နှငှင့်fသ်သခင်afယေရှုခှုခရစ်ဒ်ဒုတုတိယိယအကြိမိမ်<fကြွလာခြင်း
(လုကာ ၂၁း၃၄-၃၆)။

ဘုရားသခင်၏နိုင်ငံတော်အကြောင်း သခင်ယေရှုပြောသည့်အခါ၊
အချက်နှစ်ချက်ကိုပြောသွားသည်။ (၁) လူတို့ကိုအပြစ်မှကယ်တင်ရန် သမိုင်း
တွင် ဘုရားသခင်သည် ခရစ်တော်မှလုပ်ဆောင်သွားခြင်း၊ (၂) ကယ်တင်
ခြင်းရရှိသောသူတို့ကို မြေကြီးသစ်၌ ဘုရားသခင်နှင့်အတူတကွနေထိုင်ရန်
ခေါ်ဆောင်သွားခြင်းဖြင့် ဘုရားသခင်သည် ကမ္ဘာ့သမိုင်းကိုပိတ်မည်ဖြစ်
သည်။ (ဗျာ ၂၁း၁-၃)။ ပထမအချက်သည် ခရစ်တော်၏တာဝန်နှင့်အမှု
တော်ဆောင်ရွက်ခြင်း၌ ရောက်ရှိသည်။ သူ၌ကျွန်ုပ်တို့သည် ကျေးဇူးတော်
နိုင်ငံ၌ ရရှိပြီဖြစ်သည်။ ဒုတိယအချက်သည် ကယ်တင်ခြင်းခံစားရသော
သူတို့ကို ဘုန်းနိုင်ငံတော်အတွင်းသို့ စုပေါင်းသိမ်းသွင်းရန်ဖြစ်သည်။
ထိုအနာဂတ်မျှော်လင့်ခြင်းကို ခရစ်တော်၌ သူတို့သည် စောင့်နေမည်ဖြစ်
သည်။ (ဧဖက် ၁း၁၀။ တိတု ၂း၁၃)။

ခရစ်တော်ဒုတိယကြိမ်ကြွလာတော်မူခြင်းသည် ပထမအကြိမ်လောက
သို့သူကြွလာစဉ် ဟောကြားခဲ့သောသတင်းကောင်း၏ရလဒ်ဖြစ်သည်။ အပြစ်
နှင့်စာတန်ကို ကပ်တိုင်၌အနိုင်ရယူခဲ့သော ဤသခင်ယေရှုပင် ဘုရားရှင်၏
ဖန်ဆင်းခြင်းကို ဝမ်းနည်းဖွယ်အရှုပ်တော်ပုံနှင့် ဆိုးသွမ်းမှုအားလုံးတို့ကို
ဖယ်ရန် မကြာမီပြန်လည်ကြွလာမည်ဖြစ်၏။

(လုကာ ၂၁း၃၄-၃၆) ကိုဖတ်ပါ။ သင်၏စကားဖြင့် အခြေခံ
သတင်းစကားကိုရေးပါ။ ဤကဲ့သို့ပြုလုပ်စဉ် သင့်ကိုယ်သင်ပြန်ကြည့်ပြီး
သင်၏အသက်တာအကြောင်း ဤစကားများသည် ဘယ်ကဲ့သို့ပြောနေသည်ကို
ပြန်မေးပါ။ သခင်ယေရှုပြောနေသည်တို့ကို သင်အမှန်တကယ်လိုက်လျှောက်
ရန် သင်ဘာကိုလုပ်ရန်လိုအပ်သနည်း။

သခင်ယေရှုပြန်လည်ကြွလာခြင်းကို ကျွန်ုပ်စောင့်မျှော်လျက်နေစဉ်၊
ကျွန်ုပ်တို့သည် "အစဉ်ဆုတောင်းလျက်စောင့်နေကြ" ရန် သခင်ယေရှု
မိန့်တော်မူခဲ့သည်။ (ငယ် ၃၆)။

ကျေးဇူးတော်နိုင်ငံကို တွေ့ကြုံခံစားရသောသူတို့သည် စောင့်မျှော်
ရမည်ဖြစ်ပြီး ဘုန်းအသရေနိုင်ငံတော်အတွက်လည်း ဆုတောင်းပေးရမည်
ဖြစ်၏။ "တည်ပြီး" နိုင်ငံတော်နှင့် "သို့သော်တည်ရန်" နိုင်ငံတို့စပ်ကြား
ယုံကြည်သူတို့သည် တာဝန်နှင့်အမှုတော်ဆောင်ခြင်းအရာဖြင့်လည်းကောင်း၊
အသက်ရှင်နေထိုင်ခြင်းနှင့် မျှော်လင့်ခြင်းအရာဖြင့်လည်းကောင်း၊ ခရစ်ယာန်
တို့၏ကြီးထွားခြင်းနှင့် သက်သေခံခြင်းအရာဖြင့်လည်းကောင်း အလုပ်များ
နေရမည်ဖြစ်၏။ ဒုတိယအကြိမ်ကြွလာတော်မူခြင်းကို မျှော်လင့်ခြင်းသည်
ယခုနှင့် ဤနေရာ၌၊ ကျွန်ုပ်တို့၏ဝိညာဉ်ရေးအသက်တာကို သန့်ရှင်းအောင်
ထားရှိရန်လိုအပ်မည်ဖြစ်၏။

ကြာသပတေး ဇွန် ၁၁
ခိုင်ခံ့သောသက်သေများ (တမန် ၁း၁-၈)။

(တမန် ၁း၁-၈) ကိုဖတ်ပါ။ ဤနေရာ၌ ဘုရားသခင်၏နိုင်ငံတော်
အကြောင်း အရေးကြီးသည့်ဖြောင့်မတ်ခြင်းတရားများကား အဘယ်နည်း။

ရှင်လုကာသည် သူ၏ခရစ်ဝင်ကျမ်းနောက်ဆက်တွဲ အခြားစာအုပ်
တစ်အုပ်ကို ရေးသားရာ၌၊ ၎င်း၏စိတ်ထဲတွင် အရေးကြီးဆုံးသောအရာ
သည် ဘုရားသခင်၏နိုင်ငံတော်ဖြစ်သည်။ ဤကျမ်းသည် ရှေးဦးအသင်း
တော်၏သမိုင်းအကျဉ်းချုပ်ဖြစ်သည်။ သမိုင်းကျမ်းဖြစ်သည့် တမန်တော်
ဝတ္ထု၏အစပိုင်းစာသားများ၌၊ ဘုရားသခင်၏နိုင်ငံတော်အကြောင်း၊ အရေးကြီး
သည့်အခြေခံဖြောင့်မတ်ခြင်းတရား (၃) ခုအကြောင်း ရှင်လုကာရေးသား
ထားသည်ကို တွေ့ရသည်။

၁။ သခင်ယေရှုပြန်လည်ကြွလာမည်မှာသေချာသည်။
သခင်ယေရှုသည် သေခြင်းမှပြန်လည်ရှင်သန်ထမြောက်ပြီး ကောင်းကင်
သို့ပြန်လည်မကြွမြန်းမည်စပ်ကြား ရက်ပေါင်း (၄၀) တိုင်၊ ကပ်တိုင်ပေါ်
မတက်မီက၊ တပည့်တော်တို့ကို သွန်သင်သည့်အကြောင်းများကို ဆက်လက်
သင်ကြားခဲ့သည်။ ဘုရားသခင်၏နိုင်ငံနှင့်စပ်ဆိုင်သောအရာတို့ကို မြွက်ကြား
တော်မူသည်။ (တမန် ၁း၁-၃)။ ခွန်အားကြီးသည့် ကပ်တိုင်အခြင်းအရာ
များနှင့် ပြန်လည်ထမြောက်ခြင်းသည် နိုင်ငံတော်အကြောင်း သခင်ယေရှု၏
သွန်သင်ချက်သည် ဘယ်ကဲ့သို့မျှပြောင်းလဲခြင်းမရှိ။ ရှင်ပြန်ထမြောက်သော
သခင်ယေရှုသည် ရက်ပေါင်း (၄၀) တိုင် တပည့်တော်တို့အား ဘုရားသခင်
၏နိုင်ငံတော်သည် အမှန်တကယ်ဖြစ်ကြောင်း ဆက်လက်ဟောပြော၏။

၂။ ဘုရားသခင်၏မိမိကာလအချိန်တန်သော် သခင်ယေရှုကြွလာ
မည်ဖြစ်၍၊ စောင့်လျက်နေပါ။
သူပြန်လည်ရှင်ပြန်ထမြောက်ပြီးနောက် သခင်ယေရှု၏တပည့်တော်
များသည် သူ့အားလေးနက်သောမေးခွန်းကိုမေး၏။ "သခင်ဘုရား၊ ယခုအခါ
ကိုယ်တော်သည် ဣသရေလအမျိုးသားတို့အား နိုင်ငံကိုပေးတော်မူမည်လော"
ဟု မေးလျှောက်ကြ၏။ (တမန် ၁း၆)။ ထိုမေးခွန်းကို သခင်ယေရှုမဖြေ
ကြားဘဲ ၎င်းတို့၏နားလည်မှုကို ပြန်လည်ပြင်လိုက်သည်။.....ဘုရားသခင်
သည် အမြဲဘုရားဖြစ်မည်။ ဘုရားရှင်၏စိတ်နှလုံးကို လေ့လာခြင်း "ဘယ်
အချိန်" ဆိုသည့် သူ၏အစီအစဉ်ကို ကြိုတင်ဟောကိန်းထုတ်ခြင်း၊ သူ၏
လျှို့ဝှက်ချက်တို့ကိုနားလည်ရန် လူသားတို့၏အလုပ်နှင့် ပူပန်စရာမဟုတ်။
ဘုရားရှင်၏ဘုန်းနိုင်ငံတော်သည် ဘယ်အချိန် ၌လာမည်ကို သူသိသည်၊
ထိုနောက် မိမိ၏အချိန်တန်သော်၊ ဖြစ်ပေါ်လာမည်ဖြစ်၏။ (တမန် ၁း၇)၊
(မဿဲ ၂၄း၃၆)။ "အချိန်ကာလစေ့သောအခါ၊ (ဂလာတိ ၄း၎) ဤကျမ်း
ပိုဒ်ကဲ့သို့၊ ကျေးဇူးကရုဏာနိုင်ငံကိုစတင်ရန် သားတော်ကိုစေလွှတ်မည်
ဖြစ်၏။

၃။ သခင်ယေရှု၏ဧဝံဂေလိတရားကိုသက်သေခံပါ။
ဘုန်းအသရေနိုင်ငံသည် ဘယ်အချိန်၌လာမည်ကို တပည့်တော်
တို့ခန့်မှန်းနေခြင်းမှ မပြုလုပ်ရန် ခရစ်တော်ကြိုးစားဆွဲဆောင်ခဲ့သည်။ ထိုသို့
ခန့်မှန်းမည့်အစား၊ ၎င်းတို့ကိုသိသည့်အရာနှင့် လုပ်ရမည့်အလုပ်ကိုပြောခဲ့
သည်။ ဒုတိယအကြိမ်ကြွလာတော်မူခြင်းသည် ကျွန်ုပ်တို့မသိရှိပါ။ သို့သော်
ကျွန်ုပ်တို့သည် ထိုနေ့ကြီးရက်ကြီးကို စောင့်မျှော်ရန်နှင့် "ငါပြန်၍မလာမီ
တိုင်အောင်" (လုကာ ၁၉း၁၃)။ ဆိုလိုသည်မှာ သခင်ယေရှုခရစ်၏ဧဝံဂေလိ
တရားကို "]မြေကြီးစွန်းတိုင်အောင်" ယူဆောင်သွားရာ၌၊ ကျွန်ုပ်တို့သည်
ပါဝင်ရမည်ဖြစ်ကြောင်း ဆိုလိုခြင်းဖြစ်သည်။ ဤအရာသည် ကျွန်ုပ်တို့
တာဝန်ဖြစ်၏။ ကျွန်ုပ်တို့၏ခွန်အားဖြင့်မဟုတ်ဘဲ၊ သန့်ရှင်းသောဝိညာဉ်
တော်၏တန်ခိုးကြောင့်ဖြစ်၏။ ၎င်းတို့တွေ့မြင်ကြားသိသောအရာတို့ကို
သက်သေခံသောသူတို့အပေါ် သန့်ရှင်းသောဝိညာဉ်တော်ဆင်းသက်မည်ဖြစ်
ကြောင်း ကတိထားတော်မူသည်။ (ငယ် ၄-၈)။

ဤသစ္စာရှိသော သခင်ယေရှု၏နောက်လိုက်များသည် ခရစ်တော်၏
အလုပ်သဘောသဘာဝကို အကြီးအကျယ်နားလည်မှုမှားနေဆဲဖြစ်သည်။
သို့သော် သခင်ယေရှုသည် သူတို့ကိုဘယ်နည်းမဆို အသုံးပြုလျက်ရှိသည်။
လူ၏အမှုတော်ကိုဆောင်ရွက်ရာ၌၊ အရာခပ်သိမ်းကို အပြည့်အဝနားလည်ရန်
မလိုဟုဆိုသော မည်သည့်ကတိတော်ရှိမည်နည်း။

သောကြာ ဇွန် ၁၂
ထပ်ဆင့်လေ့လာရန်။

"စိတ်နှလုံးနှိမ့်ချသောသူတို့သည် မင်္ဂလာရှိကြ၏။ အကြောင်းမူကား၊
ကောင်းကင်နိုင်ငံတော်သည် ထိုသူတို့၏နိုင်ငံဖြစ်သည်။" ဤနိုင်ငံတော်သည်
အချိန်အနည်းငယ်သာခံမည်ဖြစ်သော လောကီနိုင်ငံမဟုတ်။ ခရစ်တော်သည်
သူ၏ဖြောင့်မတ်ခြင်း၊ သူ၏ကျေးဇူးတော်နှင့် သူ၏ချစ်ခြင်းဝိညာဉ်တော်နိုင်ငံ
ကို ထိုလူတို့အားဖွင့်ပေးနေပြီဖြစ်သည်။ မေရှိယ၏အုပ်ချုပ်မှုသင်္ကေတသည်
ဘုရားသခင်၏သားတော်နှင့်တူခြင်းအားဖြင့် သိရှိနိုင်သည်။ သူ၏လူတို့
သည် စိတ်နှလုံးနှိမ့်ချသောသူ၊ စိတ်နူးညံ့သိမ်မွေ့သောသူ၊ ဖြောင့်မတ်ခြင်း
တရားကြောင့် နှောင့်ယှက်ညှဉ်းဆဲခြင်းခံရသောသူများဖြစ်၏။ ကောင်းကင်
နိုင်ငံတော်သည် ထိုသူတို့၏နိုင်ငံဖြစ်၏" E. G. White, Thoughts From
the Mount of Blessing, p. 8 မှ ကောက်နုတ်သည်။

"ယခု ကျွန်ုပ်တို့သည် ဘုရားသခင်၏အလုပ်ရုံထဲ၌ရှိ၏။ ကျွန်ုပ်
တို့အားလုံးသည် ကျောက်ရိုင်းများဖြစ်၏။ သို့သော် ကျွန်ုပ်တို့သည် ဘုရားရှင်
၏ဖြောင့်မတ်ခြင်းတရားကို ကိုင်စွဲထားစဉ်၊ ၎င်း၏ဩဇာသည် ကျွန်ုပ်တို့
အပေါ်သို့ သက်ညောင်းလျက်ရှိ၏။ ဤအရာသည် ကျွန်ုပ်တို့ထံမှအပြစ်ရှိ
သမျှတို့ကိုဖယ်ရှင်းပြီး ကျွန်ုပ်တို့ကိုမြင့်မြတ်စေသည်။ ထိုကြောင့် ကျွန်ုပ်
တို့သည် ကောင်းကင်ဗိုလ်ခြေအရှင်ထာဝရဘုရားကို တင့်တယ်သောဘုန်း
အသရေ၌မြင်ရန်နှင့်၊ ကောင်းကင်နိုင်ငံရှိ သန့်ရှင်းသောကောင်းကင်တမန်
များနှင့်အတူ ပြန်လည်ပေါင်းစည်းရန် အသင့်ရှိမည်ဖြစ်၏။ ဤအလုပ်ကို
ကျွန်ုပ်တို့အတွက် ဤနေရာ၌လုပ်ဆောင်ပေးရန်ဖြစ်၏။ ထိုကြောင့် ရလဒ်
အဖြစ်၊ ကျွန်ုပ်တို့ခန္ဓာကိုယ်နှင့်ဝိညာဉ်သည် ထာဝရအတွက်သင့်လျော်မည်
ဖြစ်၏။" E. G. White, Testimonies for the Church, vol. 2, pp. 355, 356.
-၀-